முதல் நீ.. ♥️ முடிவும் நீ.. ♥️


கேட்பாரற்று திறந்து கிடக்கும்
புத்தகத்தின் பக்கங்களை
காற்று புரட்டி பார்த்து
கதை சொல்வது போல்..

என் உணர்வுகள் கொட்டி எழுதிய
நாட்குறிப்பின் பக்கங்களை..
எனக்கு நானே வாசித்து
கொண்டிருக்கிறேன்..

அதன் வரிகளில் நேசத்தின் வாசம்
இன்னும் அப்படியே இருக்கிறது..
நினைவுகள் உதிர மனமின்றி
ஒட்டிக்கொண்டு
உறவாடுகின்றன..

அதன்
முதல் பக்கத்தில்..
என்பெயரோடு சேர்த்து எழுதிய
உன்பெயர்..
என்னவென்று எவரும்
அறிந்துவிட கூடாதாதென்று
ஒன்றோடு ஒன்று கலந்து
எழுதியதால்
இரண்டிற்கும்
அப்படி ஒரு பிணைப்பு நாம் பிரிந்த பின்பும்
அவை ஒட்டிக்கொண்டுதான் இருக்கின்றன..

அதன் சில பக்கங்களில்
நான் மட்டுமே பேசிகொண்டிருந்தேன்..
அவை
உனக்கு சொல்ல நினைத்த
என் காதல் கிறுக்கல்கள்..

அதன் இன்னும் சில பக்கங்கள்
பட்டாம்பூச்சிகளின் குடியிருப்பை போல
என்று என்னும் அளவிற்கு..
அத்தனை வண்ணங்கள் சுமந்து
உன்னை வரவேற்று கொண்டிருந்தன..

விண்மீன் பறித்த கதை சொல்லி
நீ பேசிக்கொண்டிருக்க நான்
கேட்டுக் கொண்டிருக்கிறேன்..

இடையில் சில பக்கங்கள்
நம் கண்ணாமூச்சி காதலை..
கண்டும் காணாமலும்
கடந்து போக..

கவிதைக்கும் கற்பனைக்கும்
உயிர் தந்த நம் காதல்
ஒரு தொடுவானம் தேடிய
பயணம் போல் நீள்கிறது
எத்தனை தூர...